Yes We Can
عايش فيكي وحبك في قلبي بيعشق فيكي
ومهما حاولت ابعد حياتي بتناديكي
شوارعك وناسك اجمل لوحه فيكي
و هواكي واعيادك ليهم فرحه متبقاش الا فيكي
عايش ليكي حبي ليكي بفكر فيكي
يا بلدي يا ..طيب بايه
هناديكي
اقولها ولا اخلي قلبي هو اللي يناديكي
بحبك يا ام الدنيا يا مصر
ثورة الشعب فعلا هي ثورة ومحدش يقدر ينكر ده
و الحمد الله حصل تغييييييير جذري محدش كان يتوقعه قبل يوم 25 يناير
و الدروس المستفااااااده والفوااااااااااااااائد كانت كبيييييييييره
في كل المجالات الاجتماعي و المجال السياسي و المجال الاقتصادي
ومختلف المجالات
كفاية ان الناس عرفت معادن بعضها ..
أعتقد ان النهارده هو يوم ترقب وتفائل لمجموعه كبيره
وفي نفس الوقت يوم غضب وتشاؤوم عند البعض
لكن انا بقول تفاااائلوا
وقربوا من ربنا اكتر
وادعوااا وخير ان شاء الله
-------------------------------------------------------------------------------------------------------------------
أولا لازم أقول كلمة دي وقتها
- ياريتني كنت معاهم -
من وجهة نظري شايف اننا استفدنا كتير
الحارات و الشوارع و البيوت كلهم قربوا من بعض اكتر
ورجعنا لزمن جميل كان زمان واختفى و الحمد الله رجع تاني
عرفنا معادن الناس وعرفنا معلش في الكلمة الواطي من الجدع
عرفنا الناس قد ايه بتحب وطنها و بتحب اهلها رغم اللي بيحصل فيهم
صوتنا كان صوت واحد تشهد عليه تراب ارضنا و النجوم اللي في السما
ورغم الفوضى ظهر شباب همهم يحافظوا على نظافة ونظام البلد
إتكلنا على غيرنا انتهى واتعلمنا درس الاعتماد على النفس
خوفنا والارهاب اللي كنا عايشين فيه انكسر للأبد
ثقتنا في نفسنا بقت أكبر بمليون مره
مشهد الناس اللي كانت بتصلي بالآلاف مشهد لامثيل له
وصلنا للعالم كله الإسلام عزيز الإسلام قوي الإسلام عمره ما هيموت وبيكبر أكتر
إسلامنا عظييم يا جماعه إسلمنا عظيييم الحمد الله على نعمة الإسلام
اخونا المسحيين وهما جنب المسلمين وكلهم ايد واحده كانت أجمل رساله
لكل واحد عايز يزرع الفتنه بنا
وقوف العلماء و الشيوخ والشخصيات الرائده في مجتمعنا جنب الشباب
وبيهتفوا بصوتهم كان رمز للتواضع و الكرامه
المصرييييين في بلاد بره اتحركت مشاعرهم وتضامنوا مع اهلهم بصورة رائعه
ومش بس ده لكن كل الشعوب العربية و الأجنبية كانت واقفه مع المصريين
رسمنا أجمل لوحة لمصر
بلدنا حبيبتنا
اللي كسبناه كتييييييير كتييييير جدااااااااااا
وأعتقد ان الكل عرف انها مش فوضى
-------------------------------------------------------------------
يااااريت نفتكر يااااا شباب
حملة إنترنت بلا فتنة اللي اطلقها أستاذي الدكتور عمر خالد
ياريت نفتكر قواعدها و نهدى كده ونفكر بعقلانيه
بلاش نتهور بلاش نتهم بعض لمجرد اختلاف الرآي
بلاش ننسا اننا كلنا ولاد مصر وبنحب مصر
-----------------------------------------------------
ولو فعلا عايز تغير وتتغير بجد
إبدأ بنفسك واصلح بيتك وحياتك
بحبكم في الله
ومبروووك يا مصر
ويارب سلم يارب سلم وابعد عنا الفتن
-----------------------------------------------------
إفتكروا إنها كانت
سلمية سلمية سلمية
