عايشين وعقرب الثواني بيمشيومن الثواني لساعات
لأيام لشهور
وبيفوت من عمرنا سنين
وفي الحاضر بنفتكر ذكريتنا
وقلوبنا بتحن للماضي
بنبقى عايزين نسافر للماضي وعارفين انه مستحيل
بنبقى عايزين نشوف حد بنحبه ونفتكر كل دقيقه كانت معاه
مشاعرنا في الوقت ده بتبقى زي البحر الهايج واللي بيحركه رياح الشوق
بنعيش في دوامه من المشاعر والشوق للماضي
وممكن نوصل لدرجة الجنون
كل اللي بنفكر فيه في الوقت ده
إننا نسمع صوت من ذكريتنا
او نستنى بشوق النسيم اللي نسافر معاه للحظات للماضي الجميل
بنوصل لحاله لا إراديه ومش بنشوف احنا بنعمل ايه وقتها
نسافر .. نتصل .. نبعت رسايل .. ولا نسكت ونحلم و بس
ولما العاصفه تهدى
بنرجع تاني ننشغل بالحياه
ونبني ماضي نشتاق ليه في المستقبل البعيد
ولما نفتكر لهفتنا ممكن نضحك على نفسنا
نضحك ونقول ايه الجنون ده
ونقول بصوت طالع من قلبنا
آه من الشوق
.-___________________________-.
8 comments:
إحساس عالى قوى وكلمات أروع
ربنا يزيدك
تقبل تحياتى دمت بود
عبرت عن الحالة باسلوب ممتاز وصل الي قلبي سريعا ،،وعايز اقؤلك اني ساعات بعيش المود ده ،،ومابكونش قدامي الا ان اتنهد ....واقول.....هيه
ايااااااام
السلام عليكم
كلمات جميله يملؤها الحنين والشوق للماضى
كلنا بنمر بالحاله دى لكن تعبيرك عنها حقيقى صادق جدا و مبدع ..
تحياتى
جميله كلماتك واحساسك , وفعلا الشعور ده بيجتاحنا ساعات , مشاعر لهفه وحنين وشوق لناس كانوا في حياتنا وبعدوا لسبب ما , لكن الشعور ده بيهدي تاني اما مع الانشغال في دوامة الحياه او مقابلة اناس اخريين قادرين علي ملئ فراغ المشاعر الذي خلفها من فقدناهم
تحياتي
امير الهدوء
بجد امير الهدوء . ايه كل ده حسيت بهدوء وراحة وسكينة وانا بقرى الكلام الجميل اللى انت كتبه . واكتر حاجة عاجبتنى وصفك لجنون الشوق . انا بهنيك على اسلوبك الجميل الرائع
تحيــــــاتى
لسة مش قرأت البوست دة، بس جيت "متأخر جداااااا" أقوللك حمدلله على سلامتك
و أقوللك إن البلوج بجد أكتر من روعة بكتيييييير
:)
حسيت بجد إني في مملكة واحد اسمه "أمير الهدوء" فعلا. الموسيقى أكتر من روعة مودها حلو أوي أوي..أو على الأقل بالنسبة لي يعني حبيتها جدا، و الشكل الجديد و ألوانك في الكتابة.. كله حلو أوي فعلا:). قرأت البوست اللي كان آخر شهر 9. أتمنى فعلا تكون حد جديد وتقدر تعمل كدة
ربنا يقدرك إن شاء الله وكل يوم تبقى أحسن من الأول بكتير
و بوست الوردة :)..أحب أقوللك إني للأسف كتيرأوي جدا بحس الإحساس دة بس عمري ما قلت كدة.. بس صدقني مش دايما الإحساس دة بيكون كويس
حسب الزاوية اللي بتفكر بيها زي ما انت قلت ;)
تحياتي... و لي عودةان شاء الله
فعلا
اة من الشوق
عايشين علية
ومش بننساه
وحياتنا ساعات بتمشي واحنا ذاكرتنا بتتوقف عند مراحل معينة
والدنيا بتاخدنا كتير وترجع
تجبنا
ويارب يرحمنا
سلام
ونبني ماضي نشتاق ليه في المستقبل البعيد
الجميلة دي هايلة
عجبتني جدا
لأنه دا فعلا اللي بيحصل
و تمضي الحياة
إحترامي لك
Post a Comment