مش عارف اوصله

لما بلاقي حد بحبه زعلان وانا مش عارف اوصله
بحس اني عايز أطير واروحله
أطمن عليه
وامسح دموعه من على خده
بحس اني عايز اسمع صوته فرحان
بس انا بعيد وهو بعيد
مش عارف اوصله
مش عارف اطمن عليه
وزعلان لانه زعلان وحاسس ان الدنيا بتعاقبني ببعده عني

بس ياريت يسمع مني الكلمتين دول لاني بحبه
الدنيا دنيا لو بحثنا فيها
هنلاقي دنيا غير الدنيا
هنلاقي حياااه
هنلاقي سعاده
هنلاقي ناس كتير في حياتنا بتحبنا
كل لما نحس اننا اتخنقنا وروحنا من كتر الضيق هتطلع
نروح نبص للسما ونتامل في نجومها
ونقول سبحان الله
والحمد الله على النعمه
كل لما نحس اننا بعدنا و ودموعنا محبوسه في قلوبنا
نروح نتوضأ ونصلي ركعتين وندعي ربنا انه يهدينا
ونفتح المصحف ونقرأ في القرآن ونتدبر كلام الرحمن

ساعتها هنحس بالسعاده
^_^