^_^أصنع اليموناته

إذا كان لديك ليمونا فأصنع الليموناته

----------------

مشكله عند كتير من الشباب انهم بيتعرضوا لضغوط كتيره وكبيره من الاهل و الاصحاب وكل حاجه حوليهم وده بينتج عنه احساس بالضيق والخنقه وفي ناس علشان يخرجوا من الضيق والضغوط دي بيسمع كلام الشيطان وناس تانيه بتقرر انها تقعد مع نفسها وتعيش الحياه مع نفسها .. ديما بنحس اننا مظلومين وإن الحق ديما هو اللي معانا .. ديما بنبص من زاوية واحده بس وممكن نكون فعلا احنا اللي صح لكن ليه مش بنحاول نفهم وجهة نظر غيرنا .. ليه مبنحاولش نكون احنا الإيجابييين بدل ما نختار الوحده ونلقي باللوم على غيرنا لانه سلبي .. . لحد هنا ولازم ناخد موقف مع نفسنا ونكون إحنا منبع للإيجابيه والتفائل .. بدل منقعد ننتظر الابتسامه والكلمه الحلوه من الغير الافضل ان احنا اللي نبدأ نرسمها .. وعلشان نكون إيجابيين نبدأ نتحاور مع الطرف الآخر .. مثلا لو كان الطرف الآخر هم الاب والام .. أبدأ من دلوقتي تقعد معاهم تسمع كلامهم وتبدأ تقول وجهة نظرك ويبقى هناك جو من التفاهم والتعاون والحب بدل النرفزه والوحده والخنقه والتفكير السلبي اللي ديما بيكون مصدر للإكتئاب اللي كتير منا حاسس بيه دلوقتي

إذا كان لديك ليمونا , فأصنع اليموناته """ دي كانت نصيحه قدمها واحد اسمه يوليوس روزنولد لدايل كرنيجي وكانت سبب في تغير كبير في حياته وعجبتني كلمة دايل كرنيجي اللي بيقول فيها

نفترض اننا تراجعنا وشعرنا بان لا أمل لقدرتنا ان نحول الليمون إلى شراب لذيذ إلا أن هناك سببان للمحاوله - سببان يفتحان لنا المجال فإما نكسب كل شئ وإما لا نكسب ولا نخسر شئ

السبب الاول : ربما ننجح

السبب الثاني : حتى إن لم نتمكن من النجاح

فإن مجرد المحاوله تغير الطرح إلى الجمع وتدفعنا إلى التطلع إلى الامام بدلا من التطلع إلى الوراء

وفي النهايه

عندما يهبك القدر ليمونه حاول ان تصنع منها شرابا لذيذا

إبتسم تبتسم لك الحياه

حكمه كلنا عارفنها وبنقولها كتير لكن يا ترى حد جربها او حد فهم المعنى كويس

طيب هقولكم حاجه من تجربتي الشخصيه ..

لما توصل لاقصى درجه من النرفزه والغضب والضيق وغلب عليك البكاء
والدنيا كلها قفلت في وشك ومشعارف انت مين وعايز ايه
وعايز تهرب من كل حاجه في حياتك

هتعمل حاجه بسيطه

تمسح دموعك وتقف قدام مرايه وتبتسم

!

كلام اهبل مش كده ... بس جرب وادعيلي

طيب اشمعنى يعني الفكره دي .. لان الواحد في اللحظة دي كل جسمه بيصبح مهيا للاكتئاب والضيق وتلاقي الصداع ابتدأ والافكار السلبيه اشتغلت وممكن تكره نفسك وتحط قرارات غلط كتير في حياتك والحل بسيط جدا

هو انك تغير من شكلك وتفرد عضلات وشك بإبتسامه وبعد كده تتوضأ وتصلي ركعتين وتدعي ربنا

على فكره التجربه دي صعبه محتاجه سرعه في اتخاذ القرار وسرعه في تنفيذه

وبعيد تاني

عندما تصل لأقصى درجه من الغضب والضيق

قف امام مرآه وابتسم في وجهك .. أحمد خالد مكي

تأمل في ليمونه

الخلاصه ان الليمونه رغم انها مره إلا انها اجمل مشروب ساقع في الصيف

وبينقلك من حالة فوران الدم لحاله من الروقان وراحة البال

البوست ده كتبته في 2008 عدلت فيه وحبيت انشره تاني ^ _ ^

و في الختام بحبكم كلكم في الله ولا تحرموني من دعائكم

~*~*~*~*~*~*~*~*~*~*~*~*~*~*~*~*~*~*~*~*~

شرائح اللحم و المايونيز ;)

اول حاجه اهلا بيكم مع اكله جديدة بعد التجربة الفظيعه
شورما بالبيض :D

عايز تشوف أكلة شورما بالبيض وانا مش مسؤول كليكـ ^^ هير

هنجيب الادوات دي
مايونيز
كام قطعة لحمة مسلوقة
بيضه او اتنين
خيارايييايه
و نعناع وملح وفلفل
وهات كيس شبسي معاك بردوا

‫بعد كده بنقطع اللحمة حتت حتت كده زي ما انتوا شايفين‬

نضرب البيضايه تك تك تك بالشوكة في الطبق ويفضل ميبقاش الطبق مسطح :D‬

نحط ع البيض النعناع و الفلفل و الملح‬

نحط اللحمة ع البيض و نقلب نقلب نقلب حتي مش عارف ايه المزيج .. بيكتبوا كده في كتب الطبخ :D‬

و بعدين الخطوة دي مهمة بقة

بناخد شوية بالملعقة ونحطها في السمنة اللي بتغلي ع النار

لحد ما تتحمر كده ونقلبها كاننا بنقلب بيضة مقلية

شايفين القطع جنب بعضها ازاي‬

وبعدين نظبط الطبق بقى
بالشكل اللي يقتح النفس ده ^ _ ^

امممممم كانت جميله كنت بتفرج على فلم خيال علمي غريب كده‬

الشبسي عملها شكل اجمل و اداها طعم احلى‬

يا رب تعجبكم :)
وانتظروني في افتكاسة جديدة
من مطبخ امير الهدوء

دمتم مبتسمين ^ _ ^

================
البوم الاكلة دي هتلقوها على صفحتي على الفيس توك
كليكـ ^^ هير

وليه تشغل بالك ^^

أضغط على الصوره لرؤيتها بشكل اوضح

._._._._._._._._._._._._._._._._._.

ايه رايكم في الصورة :)
الصورة دي صورتها في لحظة صعبه اوي من حياتي
وكانت بداية اني ابدأ خطوات ثابته لدنيا مفهاش اي مشاكل

الصورة دي عمرها تلات سنين دلوقتي
بس مش عارف ليه حاسس اني محتاج اشوف الصورة تاني
وافتكر كل لحظة عشتها مع الصورة دي

محتاج انسى كل حاجه احس ان انا طبيعي
كرهت مشاكل الناس وكرهت كلام الناس
بقيت مضايق جدااا
علشان كده انا هعتبر نفسي مدخلتش حياة اي حد
ولا اعرف مشاكل اي حد
هضحك على نفسي شوية يعني بس علشان ارتاح

عايز اتعامل مع الكل بطبيعتي ولا ازود ولا انقص
عايز انام وانا مرتاح نفسيا و اصحى وانا مرتاح نفسيا
وبالي صاااااااااااافي مش مشغول باي حد

وربنا يسهل ^_^


._._._._._._._._._._._._._._._._._.

I do not think of anyone or anything in this despicable world