قاعد تايه حاير عقلي طايرلزمن بعيد قالوا انه الماضي
لسه سامع فيه كل همسه وكل كلمه وكل حاجه كانت بينا
وفي سما ذكرياتي كنت طاير
ادور على سبب حزني
ادور على سبب فشلي
كنت شايفني انا كاني قدامي
كنت شايف كلامي
لقيت نفسي قد ايه انا كنت اناني
كنت اناني في مشاعري .. أناني في احاسيسيمفكرتش في اللي قدامي مفكرتش في مشاعر وأحاسيس غيري اتجاهي
كنت اناني بفكر في وحدتي وبس
كأني كنت بفكر في فشلي بس
مفكرتش اني بسبب انانيتي ممكن اجرح مشاعر اصدقائي واهلي
مفكرتش ان بانايتي مش هلاقي غير الاسود والرمادي في حياتي
بعترف اني كنت اناني
بس عرفت غلطي بعد ايه ..
حتى احلامي وافكاري كنت اناني فيها
غلطت كتير بس عرفت كتير
عرفت اني مش بعرف اتحكم في مشاعري وعواطفي
عرفت اني كنت اناني في مشاعري واحاسيسي
عرفت اني كنت بتكلم اكتر من اني بسمع وده سبب العك الكتير اللي عكيته
عرفت اني بحكم على الناس بسرعه وبظلم ناس كتير وبقع في حفر كتير
عرفت عن نفسي حجات كتير
وندمان لاني معرفتش ده من زمان
عرفت ان
الوحده ==>الانانيه ===>الفشل
""""""""""""""""""""""""
حاسس تاني بالم الفراق
حاسس بدموع قلبي بتقطع فيه
نفسي اصرخ بكلمة جوايا
بصوت تسمعه النجوم في السما
حاسس باني بموت يوم بعد يوم
والدموع مش بتفارق عنيه
مره ادمع ومره استحمل واصبر شويه
بس المره دي هسكت واعيش في هدوء احاسب نفسي
ولنفسي مش هسامح طول ما انا حاسس اني السبب في فشلي
كل يوم هبص للسما وادعي ربي انه يغفر لي
""""""""""""""""""""""""""""""""
11 comments:
السلام عليكم
أتمنى تعيد حساباتك تاني
و أن تراها من جميع الزوايا
متبصش لورا
بص للي جاي
يا ريت تقرأ تدوينةالأخ محمود
http://kasperb4.blogspot.com/
متحملش نفسك فوق طاقتها
:)
التصميم جميل أووووي
فيه وحده و حزن
فيه هدوء
و أمل
ربنا يوفقك
و يفك كربك
تقديري
:)
لي عوده
على فكرة ..
التصميم لم أر في روعته في حياتي ..
بجد أنا حسيت بالهدوء لما دخلت المدونة ..
نخش بقى على الكلام اللي انت كاتبه ..
انت ايه اللي تاعبك كده بس يا راجل ؟؟
تعرف تقول لي سبب محدد ..
يعني نقاط محددة
أصل الواحد لما يبقى من زمان زعلان . .بيلاقي نفسه اتعود يبقى حزين حتى لو مافيش حاجة تدعو للحزن ..
راجع نفيك و فكر ..
انت كده كده عايش .
يبقى ليه تعيش حزين ؟؟
و ليه ما تعيشش مبسوط ؟؟
قول لي ايه المانع ؟؟
ليك حق تقول انك انت اللي مصمم الصور دي
أصلك لو ماقولتلناش أنا عن نفسي ها أفتكر انها صورة من علي النت عاملة حد متمرس في الفوتوشوب
حلو أوي أننا واحنا بنراجع ماضينا ننقد نفسنا ونعترف أننا غلطانين في حاجه معينه بس الأحلي أننا نحاول فعلا أن دا مايتكررش تاني في الحاضر أو المستقبل
سلام
اكيد التصميم رائع
هعترضه في الجزء الاول على
الوحده ==>الانانيه ===>الفشل
صدقني لو الوحده اللي اعرفها انه حواليك ناس كتير حاسسهم وشايف منهم كتير
ولا حد فيهم فكر يسأل في يوم انت مين
وانت مجرد وسيله في ايديهم
بجوارهم دوما في الحزن اوالفرح
لما تلاقي كل اللي جواك جواك ولا في يوم بان عليك لا ضعف ولا دمع
لما الاحساس يقل والكلمه تقتل من الكل
ولو كانت كلمه بالعين
صدقني وقتها هكون وحيده ومش هكون انانيه
وحيده لانه خلاص اتعوت اكون وحيده
لانه وانا وحيده افضل بكتير
وحيده
ياااااااااه صدقني عمر الوحده ما كانت انانيه
مفيش ماااااانع انسااان وحيد يكون قريب من ناااااس كتير لكن محدش قريب منه
فبلاش تحمل نفسك فوق طاقتها واكيد وحدتك كان ليها دوافع
التمس لنفسك العذر وابدا من جديد
.................................
الجزء الثاني
...وسط حرقة الالم
...وبين انهيار الدموع
...وسط لحظات العذاب
....وبين انطفاءات الشموع
...وسط اجواء مليئه بالمشاعر
...وبين نظرات تعني الكثير والكثير
...وسط صمت رهيب ابلغ من الكلام
...وبين الآهات وحرقة الجروح
!كانت لحظة الرحيل
!كانت لحظة الفراق
وجاء ذاك الصوت
قال ليس بيدك ايها المسكين
ولكن بيد من خلقك
ولعله خيرا
فانه قضاء ربك
لا تحزن على السيء فالاسوأ قادم
وانظر الى تلك السماء
صف فيها ذكرااك
ولكن لا تجعلها عقبة للاحلام
.........................
أحمد تقبل مروري
اولا بالنسبة للتصميم فهو بصراحة عبر عن كل اللى قلته
ماشاء الله التصميم جاااااااامد ياميدو
ندخل بقى فى جو الانانية والتوهان ده :) لأ ياميدو انت مش اناني ولا حاجة بس بيسّول لك كده
ــــــــــ
غلطت كتير بس عرفت كتير
عرفت اني مش بعرف اتحكم في مشاعري وعواطفي
عرفت اني كنت اناني في مشاعري واحاسيسي
عرفت اني كنت بتكلم اكتر من اني بسمع وده سبب العك الكتير اللي عكيته
ــــــــــ
كويس انك تعرف انت غلطت فى ايه لكن اللى مش كويس انك ماتصلحش غلطتك
ههههههه
وامشي ورايا بس وانت تفلح
:)
:)
شكررررررا :)
منورين المدونه ^_^
بص يا احمد بالرغم من انى صغيرة فى السن
وخبرتى فى الحياة قليلة الا انك خدها
منى نصيحة طول مانت بتفكر فى الماضى
على انة واقع مستحيل هاتقدر تغيرة
يبقى انت فعلا مش هاتقدر تغيرة لكن
الماضى لو فكرت فية بطريقة ايجابية
شوية هاتلاقية ممكن تعمل فية حاجتين
الحاجة الاولى وهية الأهم انك تحاول
تصلحة بأى طريقة لأ ن ماحدش هايقدر
يصلح ماضيك غيرك مهما كنت عملت فية
حاجات كتييير اوى غلط فى حق ناس صدقنى
هايتصلح لو انت حاولت اما الحاجة
التانية بقة انك تستفيد منة فى ان
الجاى يكون احلى والحل دة انا مش
بفضلة اوى لأنى واثقة انك هاتقدر
تنفذ الحل الأولانى
اتمنى انك تكون فهمتنى
روح الاسلام
.........
فهمتك :) وشكرا جدا على تعليقك
وان شاء الله هحط كلامك في الاعتبار ^^
منوره المدونه
very nice blog and its calm
aliraqia.blogspot.com
مواضيعك حلوه و هادئــه و أنت رائع كوو أهيد
تحياتي
$PIDER-M@N
Post a Comment