Wednesday, August 8, 2012

الأهم >>قبل المهم


السلام عليكم
اخباركم ؟؟ اتمنى انكم تكونوا بخير

دايما بنسال نفسنا
ليه معندناش رغبه في قراءة القرآن حتى لما نيجي نقرأ
بتبقى مجرد قراءة بدون فهم او تدبر

وليه لما نيجي نصلي يبقى فكرنا مشغول ديما بحجات تانيه

حتى في الدراسه ليه لما نيجي نذاكر ونفتح الكتاب
نبقى عايزين نرميه ونستسلم للنوم او اي حاجه تانيه

ليه ساعات لما بنعمل حاجه بتكون مفيدة ومهمه نحس ان ملهاش قيمه

ليه بيبقى عندنا اكتئاب ديما ومش عارفين سببه

كل ده بسبب إن اولوياتنا ملخبطه وغير مرتبه بشكل صحيح
طيب ايه هو الحل
الحل
الاهم قبل المهم


اسيبكم تشوفوا الحلقه دي مع احمد الشقيري ربنا يحفظه يارب
واتمنى انكم تستفيدوا فعلا



_._._._._._._._._._._._._._._._
لو رتبنا اولوياتنا وخلينا الصلاه اهم حاجه في حياتنا ودايما ننتظر الصلاه
هنعرف نخشع في الصلاه

لو خلينا القرآن اساس حياتنا وخليناه اهم واولى من اي حاجه تانيه
زي النت او التلفزيون او قراءة كتب والغاز
هنعرف نتدبر القرآن وهنحس بمعانيه

حتى في المذاكره لو خلينا المذاكره هي اهتمامنا ومنفكرش في حاجه غيرها
هنعرف نذاكر بنفس ونجيب تقدير كمان

اما احساسنا ليه لما بنعمل حاجه ونحس انها مهمه بس كانك معملتش حاجه
لانك مرتبتش افكارك وعملتها في وقت غير مناسب
وكان في حجات اولى من كان المفروض تعملها ساعتها

لما نرتب حياتنا ويبقى عندنا الاولويات مظبوطه
هنعيش سعداء من غير اكتئاب

خليها قاعدتك في الحياه
الاهم قبل المهم


^^

15 comments:

son's egypt said...

السلام عليكم
الاولويات في حياتنا غير مرتبة
بمعني اننا في كثير من الاحيان لا نعرف ماذا نريد بالضبط
في بعض الاحيان تائهون بلا هدف
نرتب اولوياتنا نستريح في كل شئ

ريمان said...

السلام عليكم

دى اول زياره ليا فى مدونتك

بجد عجبتنى جدا

هاديه ورقيقه

وعجبنى البوست اكتر والفيديو كمان

بجد انت اتكلمت عن موضوع مهم جدا

تقريبا انا مشوفتش حد غيرك اتكلم عنه

وبجد مووضع الاهم قبل المهم ده حل جميل جدا

عشان نعالج المشكله دى

احييك بشده ع البوست الجميل ده

وتقبل مرورى

و القادم....أجمل said...

إنت عارف بس لو
نقعد مع نفسنا و لو دقايق
نظبط أولويتنا زي مقولت
ياه متهيالي كانت هتفرق كتير
و خاصة بالنسبة ليا

الحمدلله على كل شيء

ربنا يجازيك كل خير
و يوفقك إن شاء الله

تقديري

:)

Hadota ... حدوتة said...

والله انت عندك حق
بس المشكلة ان الحياة بتشغل الانسان فعلا
وتاخده حتى من نفسه

جزاك الله عنا كل خير وشكرا على التذكرة

:)

تحياتى

ღϠ₡ღأمير الهدوءღϠ₡ღ said...

والقادم اجمل
............
الحمد الله
بجد شكرا على تعليقك الجميل
محتاجين فعلا نقعد مع نفسنا كتير
^^

منوره المدونه يا ولـاء
_________________
حدوته
......
دي المشكله
ولازم علشان نبقى احسن
نقول استوب
ونبدأ نغير نفسنا

مشكوره على التعليق الجميل
ومنور المدونه يا حدوته
^^
________________

بذرة امل said...

فعلا
كلنا محتاجين نظبط اولوياتنا
احمد الشقيرى من الناس اللى بحب اسمع لها جدا

nonna said...

السلام عليكم انا اتفرجت على الفيديو وفعلا اقنعنى انا اصلا عمرى مافكرت فى اولويات او فى حاجة قبل مااعملها بس ان شاء اللة هحاول ارتب حياتى وكويس ان رمضان قريب الواحد بيحس براحة نفسية اوى فى رمضان وان شاء اللة نكون للاحسن شكرا بجد على الموضوع

ღϠ₡ღأمير الهدوءღϠ₡ღ said...

بذرة امل
........
شكرا على تعليقك الجميل
وبجد منوره المدونه بزيارتك الجميله
^^
___________________
nona
.....
شكرا على تعليقك الجميل
ويارب فعلا يكون عجبك
ومنوره المدونه بزيارتك الجميله
^^
_________________

Wish I were a Butterfly ... said...

عندك حق يا أحمد و مش عندي اي كلام أضيفه على اللي قلته

بجد ربنا يكلمك على الكلام الحلو أوي دة. أتمنى كل اللي يتأثر بيه يكون دة في ميزان حسناتك إن شاء الله

الدنيا بتاخدنا أوي و ننسى الحاجات دي و مش بننسى قيمتها بس لكن حتى بنسسى طعمها و لذتها

تحياتي و تقديري على البوست الصح دة
ربنا يتقبل منك

حمامة said...

انا نفسى اعمل كده بجد
انا اعرف ناس منظمين ف حياتهم وبجد مرتاحين جداً حاطيين الأهم فالمهم حتى لو الأهم ده على غير اهوائهم الشخصية

ربنا يعين الجميع
وكل سنة وانت طيب :)

جوجو said...

السلام عليكم

اسجل اول مرورى

مدونة جميلة

مواضيع اجمل

ميرسى على زيارتك

تقبل مرورى

دومت بخير

ღϠ₡ღأمير الهدوءღϠ₡ღ said...

حمامه
.........
وانتي طيبه
^_^
سهله على فكره لو عملتيها هدفك وفكرتي فيها
:)
منوره المدونه ديما

ღϠ₡ღأمير الهدوءღϠ₡ღ said...

جوجو
...
منوره المدونه يا جوجو وإن شاء الله تتكرر الزياره
:)

Unknown said...

website link Dolabuy Loewe my company Look At This home Read Full Article

Anonymous said...

yeezy shoes
hermes outlet
yeezy 350
goyard store
nike sb
kd shoes
fear of god outlet
jordan outlet
supreme new york
supreme new york