Wednesday, August 8, 2012

البدايه آخرها نهايه


محدش حاسس باللي جوايه
محدش فاهم ايه اللي بفكر فيه
يمكن اكون غريب لكن في زيي كتير
إحساس غريب جوايه
عايز افهمه لكنه ديما كان غامض معايه
وكل لما احاول افتح الباب
الاقي باب تاني مقفول قدامه
ولحد إمتى هفضل افتح ابواب
إلى مالا نهايه ...؟!!ــ
وفي المتاهه قربت اقتنع انها حاجه عاديه
لكن رغم كده إحساس تاني بيقوللي فكر انت ليه كده
والحل كان ديما معاياه
هو شايفني عارفني لكن مستني افتكره انا
وبقيت مش عارف افهم حاجه
افضل افتح الابواب ولا ادور على الاحساس اللي جوايه
وفي لحظه بصيت فوق
ويارتني كنت بصيت من زمان
بدل التوهان وغرقاني في تراب الابواب
بصيت فوق لقيت السما والشمس كانت بين الشروق والغروب
تقريبا حاسس اني إتأخرت
لكن فاضل وقت كتير على الغروب
الوقت الكتير ده جوايه
وغروب الشمس مش بإيدي
وبعد لما كنت تايه
بدور على مخرج جوايه
وابواب وراها ابواب ملهاش نهايه
لقيت الطريق ويارتني عرفته من البدايه
الحل هنا اني إتوكلت على ربنا
ووثقت فيه انه هيهديني
والابواب كانت متاهه الدنيا ملهاش نهايه
وطول مانت في الدنيا مهما روحت بردوا انت في الدنيا وليك نهايه
والشمس هي عمرك شوف انت ضيعت قد إيه من عمرك
والغروب يمكن شايفينه بعيد لكن فجأه هتلاقيه قدامك
ضيعنا وقت كتير في الدنيا لكن ربنا كبير غفور رحيم
ثق في الله واتوكل عليه ربنا لوحده هو اللي هينجيك
إبدأ من دلوقتي وقت العصريه
إتفرج على شكل السما واستنى الغروب
في لحظه هتلاقي الدنيا ليل وانت مش حاسس
يمكن كان احساسك لسه وقت كتير وممل
لكن الواقع صدقني غير
شروق الشمس وغروبها تذكره لينا
إن الدنيا ليها بدايه وفي الاخر ليها نهايه
إن الانسان ليه بدايه وفي الاخر ليه نهايه
كل حاجه ليها بدايه وفي الاخر ليها نهايه
الحق نفسك
وإبدأ من دلوقتي
وتوب واستغفر ربنا كتير
انت مش عارف غروبك هيبقى امتى وهتشوفه فين

12 comments:

و القادم....أجمل said...

هااااااااااااايل
رائع بجد
التشبيه و الربط بين الاتنين
أكتر من رائع

ربنا يهدينا جميعا
و يحسن ختامنا
و نقدر نستغل عمرنا صح



ربنا يكرمك و يوفقك إن شاء الله
تقديري و إحترامي

:)

Abdallah Hosni said...

بجد ياحمد هااااااااااااااااايل

ملكش حل يبنى تربيتي هههههه

وفعلا عند حق محدش يعرف غروبه فيه ولا تعلم نفس ماذا تكسب غدا ولا تلعم نفس باي ارض تموت

وبعدين انا روحت فيييين ياحبيب اخوخ هههه

Anonymous said...

جميله اوي كلاماتك معبرة جدا
معلش فضول
انت كنت حاطط موسيقات تحفه ممكن اعرف اسمها ايه
يا ريت تسيبلي الرد هنا
ولك جزيل الشكر

Anonymous said...

صدقت بكــل كلمــة ..

كل بداية ولها نهايــة

سبحان الله ..سنة الله في الكون

اشكركــ عالمقال الجمــيــل

في ميزان حسناتكـ باذن الله

mohamed ghalia said...

الدنيا ليها بدايه وفي الاخر ليها نهايه
إن الانسان ليه بدايه وفي الاخر ليه نهايه
كل حاجه ليها بدايه وفي الاخر ليها نهايه

كلمات رائعة يا امير الرومانسية
تحياتى
ليك تاج عندى

Crazy Nemo said...

انت مش عارف غروبك هيبقى امتى وهتشوفه فين


كلام جميل و يا رب كانا نفهمه و نقدر معناه

شكرا لمرورك و نورت البلوج :)

امل الاسلام said...

اخى امير الهدؤ
كلامك كتييييييييييير حلو ومؤثر
وخصوصا انه طالع من القلب
ربنا يوفقك يارب
وتقبل مرورى

قلب ينبض لله said...

لا بجد تشبيهك جميل وواقعي جدا
وكلامك مؤثر
ويخلينا نقف مع نفسنا

تسلم أيديك

Wish I were a Butterfly ... said...

شكرا أوي على الكلمات الجميلة دي




عندك حق
الأغنية حلوة و لايقة جدا. تخليك تعيش مع الموضوع أكتر

ربنا يجعله في ميزانك يا سمو الأمير. زمــــان يمكن من شهور كتيرة أوي..كنا اتفقنا في تعليق ليك إننا هندعي لبعض. يا ترى فاكر؟؟ بتدعيلي طيب؟:). أتمنى ندعي لبعض بجد
تحياتي

امل الاسلام said...

امير الهدؤ
جزاك الله خيرا على تعليقك عندى(انا مش عرفت على حضرتك عندى لان فى عطل مافى المدونه)
واحب ان انا اوضح انا كان عندى مدونتين وكنت منظمه الكلام جدا وضايفه صور وكل حاجه فلما حذفت التانيه ضع كل ده ومش اتبقى الا الكلام المتراكم _هو ده تفسير الكلام اللى انا فهمته من تعليقك واذا كان قصد حضرتك حاجه تانيه فارجوا التوضيح_
وشكرا لمرورك
تحياتى

آلاء محى said...

ماشاء الله تشبيه رااائع جدا

إن الدنيا ليها بدايه وفي الاخر ليها نهايه
إن الانسان ليه بدايه وفي الاخر ليه نهايه
كل حاجه ليها بدايه وفي الاخر ليها نهايه

كلمات رائعة


جزاكم الله خيرا

روح الاسلام said...

عندى تاج لحضرتك ياريت تشرفنى وتيجى تستلمة