الحياه شبابيكالحياه كلها شبابيك وكل يوم بيتفتح شباك جديد في حياتنا
الحياه شبابيك ومتسالنيش ايه هو الشباك
كلو احد بنشوفه ونكلمه ونتعامل معاه
ثانيه .. ساعه ... شهر .. سنه
بيبقى شباك جديد في حياتنا
والشبابيك كتير كتير كتير
ومش كلهم نسيم وهوا جميل
ومش كلهم تبص منهم تلاقي شروق الشمس الجميل
الحقيقه في شبابيك بتبدأ بهوا جميل
والعواصف بتيجي بعد الهوا بتجرح وتدمر..
تجرح مشاعرنا وتدمر حياتنا
وليه نسيب شباك زي ده يجرحناوليه بنضعف نقفل الشباك
وليه بنرجع نفتح الشباك تاني بعد ما انجرحنا
مره واتنين وتلاته
لا .. إقفل الشباك وعيش حياتك في نسيم وهوا جميل وهدوء
أقفل الشباك و شيله من حياتك .. اصله ميستهلش انه يكون في حياتك
ومتفكرش فيه اصله باعك من زمان وانت متعرفش
ولو مش مصدق جرب بس انت اللي هترجع ومترجعش..
مترجعش تقول يا ريتني مش فتحت الشباك تاني
وتيجي تلعن اليوم اللي فتحت فيه الشباك
وهو ذنبه ايه اليوم . ؟ غير إنك ضعفت بعد ما إنجرحت !
وخدها مني حكمه
الشباك اللي يجرحك أٌقفله ومش تفكر تشنكلهلانه هيبدأ بهوا جميل وبعديه عاصفه هتجرحكهتبكي .. هتلعن .. هتزعل ..... ملهاش لزمه
اقفله وارتاح احسنلك
::::::::::::::::::::::::::::::::::::::::::::::::::::::::::::::::::
8 comments:
بوست جميل بجد
وفعلا عندك حق
اقفل الشباك متشنكلهوش
سلام
كلامك جميل اوى وحقيقى بجد
ولازم نقوى ونقفل الشباك الى يجرحنا
لان القوة الى هنحتاجها لاقفل شباك فى حياتنا اقل من القوة الى هتخلينا نستحمل جرح الشباك دة
تحياتى
اميرة الهدوء
زي ما فيه شبابيك كتير محتاجين نقفلها
فيه شبابيك تانية تتمنى انهاتتفتح
موضوع متميز
تحياتي
ازيك يا ابو حميد والله واحشني اخبارك عجبني تعليقك عن الشبابيك قوي وكما قال الشاعر الشباك اللي يجيلك منه الريح سده واستريح ويا احمد يا رب اشوفك دايما بصحه وسعاده يا اغلي 13 سنه في حياتي من ايام ابتدائي
دامو يعني الشباب مش عرفو ينامو
فكرتني بمنير في موضوع الشبابيك دة
:)
عندك حق ساعات، بس ساعات تانية كمان بتكون العواصف قوية أوي تخليك مش تعرف تقفل الشباك أصلا
أتمنى تكون كويس.. ومش يكون حدجرحك أبدا يا أطيب أمير
وحشتني مدونتك أوي على فكرة :) أوي. تحياتي
my hopes
...........
ربنا يخليكي يا منمن
واسعدتني زيارتك جدااا
^_^
____________
أميرة الهدوء
...........
لان القوة الى هنحتاجها لاقفل شباك فى حياتنا اقل من القوة الى هتخلينا نستحمل جرح الشباك دة
فعلا
وشكراااا لردك الجميل
يا اختي الصغيره
^_^
___________
unique
........
فيه شبابيك تانية تتمنى انهاتتفتح
ياااا ريت
^_^
شكرا على زيارتك الجميله وردك الجميل
: )
______________
دامو
.......
اول حاجه انت مش صايع
نشوف بقى انت كاتب ايه =)
الشباك اللي يجيلك منه الريح سده واستريح
ههههههههههههههه
عندك حق يا ابو حميد
تسلم على الزياره الجميله
يا اجمل صديق واخ
______________
صمت
مكنش ليه لزمه تحذف الكومنت
بس حاول تقرأ الموضوع كويس
وتوسع نظرتك للحياه شويه
علشان مش تظن في الناس ظن سئ
______________
Whispers
.........
اهلاااااااااااااا
ايه النور ده
شكرا للزياره الجميله
اه
العواصف الشديده دي
نتيجة لضعفنا
لكن لو قفلنا الشباك من الاول
مش هيبقى في عواصف اساسا
^_^
yeezy 500 blush
bapesta
off white hoodie
supreme
yeezy boost 350
fear of god outlet
kyrie shoes
paul george shoes
jordan shoes
bape hoodie
Post a Comment