كل شئ ممكن

في الحياه ممكن نغلط و ممكن نفتكر ان غلطنا هو النهايه

في الحياه ممكن نحب تجربه بشده ونفتكر انها لو منجحتش ممكن ننتهي

في الحياه ممكن نعيش سنين من الفشل ونفتكر انه صعب ننسنا فشلنا ونبدأ من جديد

اي تجربه في حياتناممكن تكون غلط من البدايه

حتى لو كنت شايفها وقتها انها صح مش غلط

لكن بعد ما بنعرف غلطنا ..ايه المفروض نعمله؟

في حاجتين ..امر على المدى القصير وامر تاني على المدى الطويل

اما بالنسبة للأمر اللي على المدى القصير هو انك ممكن تفقد بعض الناس

ناس ممكن تفهمك غلط

لكن كل ده هيختفي حتى لو بعد سنه

اما بالنسبة للامر اللي على المدى الطويل هو انك هتخلق لنفسك دنيا جديده

دنيا انت فيها شخص ناجح

دنيا غير الدنيا اللي كانت بالنسبة ليك تجربه فاشله

والجميل هناانك هتتعلم من كل اخطائك اللي فاتت

بس تعرفوا اجمل حاجه هتفهمها وهتعرفها وممكن تتألم شويه لكن هتنبسط اكتر و هترتاح

انك هتكشف حقيقة كل اللي كان في تجربتك القديمه

هتعرف اللي صادق واللي بيضحك عليك واللي عارفك مصلحه

واللي كان وقت لما يحتاجلك بس يجي يكلمك

حاجه بجد غريبه

انا فعلا بدأت التجربه دي بعد لما عرفت نتيجة الترم الاول كان صعب عليه اوي انسى اللي فات

لكن زي ما قولت في الاول مفيش حاجه مستحيل

قعدت فتره طويله بجد انسى بالتدريج وابدأ في اولى خطواتي للدنيا اللي انا شايف فيها نفسي ناجح

والحمد الله يوم العيد كان اول اختبار احطه لكل اللي عرفته في السنه اللي فاتت

كنت تقريبا عارف اكتر من 100 شخص اكتشفت ان بنهم شخصين بس اللي كانوا فعلا صادقين معايا

واللي هما صحابي بجد فارس القلب الحزين ابراهيم واحمد نجاح

كلامي كان على السنه دي فقط والاشخاص اللي بتكلم عنهم كانوا محدودين في نطاق معين

نطاق كان اسمه دنيا جديده لكني دلوقتي بسميها دنيا السراب

._______________________________.

الحاجه اللي فعلا ساعدتني اني اوصل للدرجه دي في حياتي كانت اجمل حاجه في حياتي
كانت جمعيتي جمعية صناع الحياه

عمري ما هنسى اليوم اللي قررت فيه اروح لوحدي وادخل الجمعيه علشان احقق حلم ليه من زمان

ودلوقتي الجمعيه بالنسبة ليه بيتي التاني لقيت اصحاب تانيه لكن مش اي اصحاب

كانوا بالظبطت زي اخواتي ساعدوني كتير ويكفيني تشجعهم ليه وحبهم ليه بجد بحبهم كلهم في الله

جمعية صناع الحياه بالنسبه ليه كانت بوابه لدنيا حقيقيه

دنيا كل حاجه فيها موجوده مفهومه دنيا عمري ما اكتأبت فيها ولا حزنت فيها

الحمد الله هذا من فضل ربي

وبعد تجربه غريبه طويله بعدت عنها بعد فتره طويله

يمكن لاني كنت طيب مش فاهم اني كنت في سراب

او بمعنى اصح مش عايز افهم اني فعلا كنت اللي بعمله ده غلط

لقيت نفسي شخص تاني وقدامه احلام كبيره اكبر بكتير من زمان

ولقيت اللي ممكن يسعدني بجد

لقيت اللي حبيته بجد

لكن مش هغلط زي ما غلطت

لاني فعلا اتعلمت

اني ابقى اقوى في الحق

.___________________.